काल रात्री टॅक्सी घरीच असल्यामुळे आज मलबारहील ऐवजी आमच्या गव्हर्नमेन्ट कॉलनीतूनच सुरुवात केली.
हे सगळे कॉलनीतल्या टॅक्सी स्टॅन्डवरचे नेहमीचे टॅक्सीवाले.
टॅक्सी मिळवण्यासाठी जेव्हा मी आणि बिको जंग जंग पछाडत होतो तेव्हा आम्ही ह्या सगळ्यांचं मेजर डोकं खाल्लेलं त्यामुळे सगळे मला नीटच ओळखतात.
आज मला साक्षात टॅक्सीसकट आणि युनिफॉर्ममध्ये बघून सगळ्यांना आनंदच झालेला
इस्मायल, रफीकभाई, नौशाद, नजीम, सैदू, पट्टू, ओमान असे सगळे.
मिलेनियल्सच्या थोडा आधीचा जन्म असल्याने सेल्फी मला कधीच काढता येत नाहीत.
सो कातरलेल्या सेल्फीचे अपश्रेय पूर्ण माझेच.
पुढे मग एका यंगीश आई-बाबा आणि मुलाला सहकार नगर (वडाळ्याला) सोडलं.
ही सुद्धा एक छान सुबक ( अजूनतरी ) विक्राळ टॉवर्स नसलेली तीनचार मजली बिल्डींग्सची बऱ्यापैकी मोठी कॉलनी.
मुंबईत एकेकाळी अशा बऱ्याच सुबक कॉलनीज होत्या.
आमची वांद्र्याची गव्हर्नमेंट कॉलनी, सांताक्रुझची पोस्ट अँड टेलिग्राफ कॉलनी, अंधेरीचं विजयनगर, बोरिवलीची नॅन्सी कॉलनी वगैरे वगैरे.
अंधाऱ्या बोळकांड्यावाल्या इंडस्ट्रीयल इस्टेट्स मुंबईत किंवा कोणत्याही मोठ्या शहरात थोड्याफार फरकाने अशाच दिसत असाव्यात बहुधा.
इथे अर्थातच छोट्या इंडस्ट्रीज आणि बरेचदा लहान किंवा मध्यम फिल्म कंपन्यांची प्रॉडक्शन हाउसेस, चित्रकार किंवा शिल्पकारांचे स्टुडिओज, स्टार्टअप कंपन्या असंही बरंच काय काय असतं.
दिवाळीनंतरचा रविवार असल्याने आज मात्र ही गांजा मारलेल्या स्टोनरसारखी सुम्म होती.
आजचा दिवसही तसाच.
प्रांजळपणे सांगायचं तर खास काही नाही.
आजची कमाई:
३७४ रुपये
No comments:
Post a Comment