१२ एप्रिल २०१९

पुण्यात असताना आईचा ऑफीसमध्ये फोन आला.
रिन्यूड लायसन्स घरी आलंय म्हणून.

लायसन्स आपल्या घरी येतं असा तोरा बरीचजणं मिरवायची त्याची आठवण आली.
गव्हर्नमेंट कॉलनीत सगळेच सरकारी नोकर असल्याने तरुणपणी काही मित्र लायसन्स आपल्या घरी येतं अशा फुशारक्या मारायचे त्याची आठवण झाली.
आपल्या भारतीयांना वशिले लावून काम करण्यात एक सुप्त आनंद मिळतोच.
पण आत्ताशा ते तसंही प्रत्येकाच्या घरीच येतं... बऱ्याचशा गोष्टी बऱ्याच अंशी ट्रान्सपरंट झाल्यायत हे मान्य करायलाच हवं.

असो तर लगेच उत्साहाने परत बॅज ऍप्लिकेशनचं पेज उघडलं पण हाय राम अजूनही ऑप्शन नाहीच आणि आईकडनं लायसन्सचा फोटो मागवला तर ट्रान्सपोर्ट क्लासच गायब :(

भेंचोत मला भीती वाटत होती तेच झालं.

लगेच सारथी सपोर्टला  मेल केलं पण त्यांचा नेहमीप्रमाणे रिप्लाय आला आर. टी. ओ. ला जाऊन चेक करा म्हणून.

मला मोठ्ठ्यानी रडावसं वाटायला लागलं.

ठीक आहे पुनःश्च हरी ओम.